4 Yanvar 2023 yil 5477

O‘zbekiston Respublikasi Oliy harbiy hamda xorijiy davlatlar ta'lim muassasalari 2023/2024-o‘quv yili uchun o‘qishga qabul qilish bo‘yicha tanlov e'lon qiladi

Buxoro viloyati Ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati O‘zbekiston Respublikasi Oliy harbiy ta’lim muassasalari hamda xorijiy davlatlar ta’lim muassasalari (IIV Akademiyasi, Jamoat xavfsizligi universiteti) bakalavriatining kunduzgi ta’lim shakliga 2023/2024-o‘quv yili bo‘yicha o‘qishga qabul qilish uchun nomzodlar tanlovi 2023-yilning 5-yanvar kunidan boshlanishini ma’lum qiladi.

O‘zbekiston Respublikasi Oliy harbiy ta’lim muassasalari hamda xorijiy davlatlar ta’lim muassasalariga o‘qishga kirish istagida bo‘lgan nomzodlar O‘zbekiston Respublikasi IIV Buxoro Akademik liseyiga murojaat qilishlari so‘raladi, 2023-yilning 15-fevral kunidan keyin murojaat qilgan nomzodlarning arizalari qabul qilinmaydi.

IIV Akademiyasi kunduzgi bo‘limiga:

Akademiyaga yoshi 17 dan kichik (qabul yilida 17 yoshga to‘ladiganlar) va 25 dan katta bo‘lmagan, shu jumladan 25 yoshdagi, bo‘yi 165 sm dan past bo‘lmagan yigitlar va bo‘yi 160 sm dan past bo‘lmagan qizlar, umumiy o‘rta va o‘rta-maxsus ma’lumotga ega bo‘lgan O‘zbekiston Respublikasi fuqarolari hamda Ichki ishlar organlari xodimlari (safdor va serjantlik lavozimlarida xizmat qilayotgan)ning murojaatlari qabul qilinadi. O‘qish muddati 3 yil.

Jamoat xavfsizligi universitetiga:

Universitetga yoshi 17 dan kichik (qabul yilida 17 yoshga to‘ladiganlar) va 25 dan katta bo‘lmagan, shu jumladan 25 yoshdagi, nomzodlar quyidagi yo‘nalishlar bo‘yicha:

- Yo‘l-patrul xizmati (bo‘yi 175 smdan past bo‘lmagan yigitlar va bo‘yi 170 smdan past bo‘lmagan qizlar);

- Patrul-post xizmati (bo‘yi 170 smdan past bo‘lmagan yigitlar va bo‘yi 165 smdan past bo‘lmagan qizlar);

- Pasport tizimini huquqiy ta’minlash (bo‘yi 165 smdan past bo‘lmagan yigitlar va bo‘yi 160 smdan past bo‘lmagan qizlar);

umumiy o‘rta va o‘rta-maxsus ma’lumotga ega bo‘lgan O‘zbekiston Respublikasi fuqarolari va Ichki ishlar organlari xodimlari (safdor va serjantlik lavozimlarida xizmat qilayotgan)ning murojaatlari qabul qilinadi. O‘qish muddati 3 yil.

Xorijiy davlatlar ta’lim muassasalariga:

Muassasalarga yoshi 18 dan kichik (qabul yilida 18 yoshga to‘ladiganlar) va 25 dan katta bo‘lmagan, shu jumladan 25 yoshdagi, bo‘yi

165 smdan past bo‘lmagan yigitlar va bo‘yi 160 smdan past bo‘lmagan qizlar, umumiy o‘rta, o‘rta-maxsus va professional ma’lumotga ega bo‘lgan: IIV Buxoro Akademik liseyi bitiruvchilari, harbiy Akademik liseylar bitiruvchilari, Ichki ishlar organlari xodimlari va harbiy xizmatchilari, shuningdek, profilaktika (katta) inspektorlarining jamoat tartibini saqlash bo‘yicha yordamchilari (lavozimida kamida olti oy ish stajiga ega bo‘lishi shart)ning murojaatlari qabul qilinadi. Ushbu yo‘nalish bo‘yicha hujjat topshiradigan nomzodlardan rus tilida diktant sinovlari olinadi. 

Manzil: Buxoro shahri, Navoiy shox ko‘chasi, 6a-uy.

Qo‘shimcha ma’lumotlar uchun telefonlar: +998-98-717-89-90

Belgilangan matnni tinglash uchun quyidagi tugmani bosing Powered by GSpeech